Ресей Федерациясының Үкіметі жанындағы Қаржы университетінің Экономика және
бизнес факультетінің Салалық нарықтар кафедрасы 2025 жылдың 24 ақпаны мен 30
мамыры аралығында студенттердің, магистранттардың және аспиранттардың
«Кәсіпкерлік генезисі: шығу тегінен қазіргі заманға дейін» атты XI Халықаралық ғылыми
жұмыстар байқауын өткізді.
Байқаудың басты мақсаттары:
тұрақты даму, кәсіпкерлік және цифрлық технологиялар саласындағы кәсіби
дағдылар мен құзыреттерді дамытуға жәрдемдесу;
білімді практикалық қолдану және жобалық ойлауды дамыту үшін жағдай жасау;
білім алушылардың қазіргі әлемдегі экологиялық және экономикалық
трансформацияның маңыздылығын түсінуін қалыптастыру;
болашақ мансап немесе стартаптар үшін негіз бола алатын бастамаларды қолдау
және т.б.
Ғылыми жұмыстар байқауының қорытындысы бойынша Астана Халықаралық
университетінің Экономика Жоғары мектебінің білім алушылары жеңімпаз және жүлдегер
атанды:
1. Нұрсұлтанова Карина Рашитовна - Менеджмент ББ 1 курс докторанты. Ғылыми
жұмыстың тақырыбы: «Бәсекеге қабілеттілікті арттыру құралы ретінде кәсіпорынды
басқару әдістерін талдау және жетілдіру», ғылыми жетекшісі э.ғ.д., профессор
Г.Т.Лесбаева;
2. Үмутканов Нұркелді Нұрдәулетұлы - Менеджмент ББ 1 курс магистранты. Ғылыми
жұмыстың тақырыбы: «Кәсіпкерлікті қалыптастыру мен дамытудағы жаһанданудың
рөлі», ғылыми жетекшісі PhD докторы, МУА қауымдастырылған профессоры Байбаш Г.К.
Жүлдегерлерді жоғары жетістіктерімен шын жүректен құттықтаймыз және болашақта
табыстар мен жаңа шыңдарды бағындыруды тілейміз!