Жаңалықтар

2024 жылдың 4 наурызында ЖҒЖМ студенттері «ВСЕРОССИЙСКИЕ СТУДЕНЧЕСКИЕ ЛОМОНОСОВСКИЕ ЧТЕНИЯ – 2024» (РФ, Петрозаводск қ.) ғылыми-практикалық конференциясына қатысты. Келесі студенттер ғылыми зерттеулерінің нәтижелерін онлайн режимінде қорғап, 1 дәрежелі дипломдармен марапатталды:

1. Абуова Тамирис, Шәлтік Асылжан, Ермек Мөлдір, Есбай Майра және Темирбеков Жанболат – 3 курс, «6В05201 Экология және табиғатты пайдалану» БББ.

2. Тұраш Жұлдызай және Бекбулатова Томирис – 3 курс, «6В05101 Биология» БББ.

Сондай-ақ, 6В05101 «Биология» БББ 2 курс студенттері Құрметбек Толғанай, Саримсакова Аяаулым, Хуанбай Жулдыз «МОЛОДЕЖНАЯ НАУКА-ПЕРВЫЙ ШАГ В НАУКУ БОЛЬШУЮ» VII ғылыми-тәжірибелік конференциясына қатысып, 1 дәрежелі дипломдарымен марапатталды (РФ, 12 наурыз 2024 ж.).

Студенттерімізді ғылыми-зерттеу жұмыстарын сәтті қорғауымен құттықтаймыз және студенттерді дайындаған ғылыми жетекшісіне, ЖҒЖМ аға оқытушысы, б.ғ.к., Ауезова Нуркуйған Сражадиновнаға алғысымызды білдіреміз!

Astana International University жаратылыстану ғылымдары Жоғары Мектебінің оқытушылары қаланың бірнеше мектептерінде 11 сынып оқушылары арасында кәсіптік бағдар беру жұмыстарын жүргізді.

Аға оқытушы Кәрібаева Мадина Қажымерқызы Жұмабек Тәшенев атындағы № 10 мектеп-гимназияда болды.

Аға оқытушы Әуезова Нұрқұйған с. Б. Шейх Тамим бен Хамад әл-Тами атындағы № 85 мектеп-лицейіне барды.

Қауымдастырылған профессор Адамжанова Жанна Арынтайқызы және қауымдастырылған профессордың м. а. Абеуова Салтанат Болатқызы, № 81 Astana English School мамандандырылған гимназиясында болды.

Іс-шара оқушыларды Astana International University және оның білім беру бағдарламаларымен таныстыру, сондай-ақ түлектерге болашақ мамандықты таңдау туралы шешім қабылдауға көмектесу мақсатында ұйымдастырылды. Оқушылар жаратылыстану ғылымдары саласындағы оқу мүмкіндіктері мен мансаптық перспективалары туралы ақпарат алды, сондай-ақ оқытушыларға сұрақтар қоя алды. Бұл жұмыс оқушыларға болашақ білімі мен кәсіби қызметі туралы саналы шешім қабылдауға көмектеседі.

2024 жылдың 12 наурызында Астана халықаралық университетінде «Қоршаған ортаға және адам денсаулығына қауіп төндіретін химиялық заттар» тақырыбында қонақ-дәріс өтті. Химиялық қауіпсіздік саласындағы сарапшы, БҰҰ волонтеры және «ToxicNet» химиялық қауіпсіздік, тұрақты органикалық ластаушылар (ТОЛ) және ескірген пестицидтер бойынша ұлттық желінің мүшесі ашық дәріс оқыды.

«ToxicNet» химиялық қауіпсіздік, ТОЛ және ескірген пестицидтер бойынша ұлттық желі — улы заттарды, оның ішінде тұрақты органикалық ластаушы заттарды (ТОЛ) және ескірген пестицидтерді, сондай-ақ олардың зерттеу және басқарумен айналысатын қазақстандық мамандар мен мүдделі тұлғалар қауымдастығы. Астана халықаралық университеті 2023 жылдың 2 қарашасынан бері «ToxicNet» желісінің мүшесі болып табылады.

Желіні «Орталық Азия мен Түркия елдерінде пестицидтердің өмірлік циклін басқару және ТОЛ- пестицидтерді жою» жобасы аясында «Тұрақты дамуға жәрдемдесу орталығы» қоғамдық қоры құрды. Бұл аймақтың ластану проблемаларын шешуге және экологиялық қауіпсіздікті қамтамасыз етуге бағытталған маңызды бастама.

Химиялық заттармен жұмыс істеу кезіндегі қауіпсіздік ережелерін білу тек өзіңізді және басқаларды қорғауға ғана емес, сонымен қатар планетамызды ластанудың ауыр зардаптарынан сақтауға көмектеседі!

Astana International University (AIU) басшылығы мен Қазақстанның ҚХР-дағы елшілігі Бейжің тіл және мәдениет университеті (BLCU) өкілдерімен ресми кездесу өткізді. Кездесу нәтижесінде тараптар университеттің Қазақстандағы бөлімшесін ашу туралы ресми келісімге қол қойды.

Қытай Халық Республикасы астанасында өткен басқосуда Бейжің тіл және мәдениет университеті филиалының біздің елде ашылуы — қос мемлекеттің ғылым, білім және мәдениет салаларындағы байланысының дәстүрлі жалғасы екені атап өтілді.

Филиал негізінде қытай тілін үйренетін студенттердің білімін тестілеу және бағалау бойынша «HSK Орталығы» (қытай тілін үйрену және тестілеу орталығы) жұмыс істемек. Сонымен қатар, келісімшарт бойынша, екі елдің де студенттерімен қосдипломды оқу бағдарламалары жүзеге асырылады.

Бейжің тіл және мәдениет университеті — 60 жылдық тарихында 300 мыңға жуық шетелдік студенттерді дайындаған гуманитарлық ғылымдар саласындағы Қытайдың жетекші білім беру мекемесі.

2024 жылдың 2 наурызында Астана халықаралық университетінің Педагогикалық институты KING Chess Academy-мен бірлесіп Астана қаласының мектептерінің оқушылары арасында шахматтан қалалық турнир өткізді.

Турнирге Астана қаласының №2, №5, №32, Сырбай Мәуленов атындағы №37, Ақселев Сейдімбек атындағы №54, Кәрім Мыңбаев атындағы  №59, №71, №77, №91, №91 Бахрейн атындағы мектеп, Ақжан Әл-Машани атындағы №92, No95, А.Байтұрсынов атындағы Бином мектебі, Қаныш Сәтбаев атындағы Бином мектебі, Ы.Алтынсарин атындағы Бином мектебі, Астана қаласындағы НЗМ, BIL, Intellectual Generation School, Riviera international school, Flagman мектебі, №81 "Astana English School" мектептерінен барлығы 36 оқушы қатысты.

Турнирдің салтанатты ашылуында АIU-нің дарынды студенттері концерттік бағдарлама көрсетті, сонымен қатар оқытушылар қатысушы мектеп оқушыларымен университет туралы көптеген пайдалы ақпараттармен бөлісті. Ұлттық төрешілерден, KING шахмат академиясының төрешілері – Руслан Мерей Русланұлы, Исина Асылжан Абылайқызы және Ибрагимов  Мади Қдырбайұлы қатысты. Турнир RAPID форматында 9 турдан тұрды.

Турнир нәтижесінде:

- 1 орын дипломын А.Байтұрсынов атындағы Бином мектебінің оқушысы – Жұмабеков Шахмардан Сержанұлы;

- 2 орын дипломын - А.Байтұрсынов атындағы Бином мектебінен - Жасан Мирас Рахымбекұлы;

-  3 орын дипломын №32 мектеп-гимназиясының оқушысы – Хансуар Асқар алды.

 Сонымен қатар №77 мектеп-лицейінің оқушысы Сағындық Дана қыздар арасында бірінші орын дипломына ие болды.

Турнир соңында жеңімпаздар MARWIN желісінің ақшалай сертификаттарымен марапатталып, барлық қатысушыларға алғыс хаттар табыс етілді. 

Құттықтаймыз!

2024 жылдың 14 наурызында Өнер және Дизайн Жоғары мектебінің студенттері оқытушылармен бірге «Ерлі-зайыптылардың құпиясы» музыкалық комедиясын көре алды. Студенттер актерлердің жоғары деңгейдегі ойынынан жағымды әсер алды. Музыкалық комедия керемет, атмосфера жақсы болды. Спектакль театрдың симфониялық оркестрімен сүйемелденді, бұл әр жастың жүрегіне әсер етеді. Театрға бірлескен мәдени жорық қызықты өтті, спектакльді көруден барлығы шынайы рахат алды, актерлердің ойынынан, спектакльден және театрға барудан қуат алды.

13 наурызда жаратылыстану ғылымдары Жоғары мектебінің студенттері үшін Қазақстандағы скауттық қозғалыс ұйымының өкілдерімен кездесу ұйымдастырылды. Скауттар өздерінің қызметі, табиғатта демалысты ұйымдастыру дағдыларын үйрету, сондай-ақ жазғы лагерьлерде тәлімгер болып жұмыс істеу мүмкіндіктері туралы айтып берді. Кездесу барысында студенттер Қазақстан скауттарының қызметіне үлкен қызығушылық танытып, белсенді сұрақтар қойды. Скауттар қозғалысына қатысу студенттерге топтық жұмыс, көшбасшылық және іс-шараларды ұйымдастыру дағдыларын дамытуға бірегей мүмкіндіктер ашады. Бұл сондай-ақ белсенді жаз өткізудің, оны жарқын әсерлермен толтырудың және болашақта пайдалы болатын жаңа дағдыларды алудың тамаша тәсілі!

«Mentor me» - бұл студенттердің өзара тәлімгерлік семинары. Бұл жолғы ментор «Биология» мамандығының 1 курс студенті Берекет Бармаков болды. Семинарда Берекет мобилографияның негіздері, мобилографияға қалай келгендігі және бұл саланың даму болашағы туралы әңгімеледі. Ментор кездейсоқ сандар әдісін қолдана отырып, мобилографияның қыр-сырын толық оқыту үшін бір студентті - «Экология» мамандығының 1 курс студенті Мейржан Сайранов таңдады. Барлық студенттерге өздерінің әлеуметтік аккаунттарын дамытуға кеңес берілді.

2024 жылдың 29 ақпанында Астана Халықаралық университетінің  6В01501 – «Информатика», 7М01501 – Информатика білім беру бағдарламасының студенттері мен профессор-оқытушылар құрамы үшін М.Өтемісов атындағы Батыс Қазақстан университетінің  доценті, п.ғ.к.                 А.Б. Медешова дәріс оқыды.

Доцент А.Б.Медешованың қонақ дәрісі аясында білім беруді цифрландыру, жасанды интеллектті пайдалану мәселелері қарастырылып, «Кәсіптік білім беруді цифрландыру жағдайында part-time оқыту» тақырыбындағы жобаның нәтижелері көрсетілді. Дәріскер edtime.kz платформасының жұмысын көрсетіп, оған қосылу, қызмет көрсету және платформада жұмыс істеу мәселелерін талқылады.

2024 жылдың 15 наурыз күні Цифрлық даму, инновациялар және аэроғарыш өнеркәсібі министрінің қолдауымен Спорттық бағдарламалау федерациясы YouTube-те бағдарламалау бойынша қазақ тіліндегі контентті ілгерілету бойынша конкурс өткізді. Осы конкурстың негізгі мақсаты барынша кең аудиторияны тарта отырып, қазақ тілінде бағдарламалау туралы білімді белсенді тарату болып табылады.

Байқау сонымен қатар қазақ тілді бағдарламашылар қауымдастығының дамуын ынталандыруға, білім мен тәжірибе алмасу үшін кеңістік құруға, осылайша әлемдік бағдарламашылар қауымдастығына ықпалдасуға бағытталған. Байқаудың жалпы жүлде қоры 1 000 000 теңгені құрады.

Жарыс ережелеріне сәйкес әрбір қатысушы өзінің YouTube арнасына қазақ тілінде кемінде үш бейнеролик жариялауы тиіс болатын. «Есептеу техникасы және бағдарламалық қамтамасыз ету» білім беру бағдарламасының 3 курс студенттері Сүйінханов Оңдасын және Серікова Шапағат осы конкурсқа қатысып, жеңімпаз атанды.

2024 жылдың 2 наурызында Астана Халықаралық университетінің қабырғасында керемет тарихи сәт орын алды, бұл күні Астана қаласында тұңғыш рет "AIU kids university" балалар университетінің салтанатты ашылуы өтті. Осы күннен бастап AIU университеті  EUCUNET балалар университеттерінің беделді әлемдік қозғалысына қосылып, жас ақыл-ойдың алдында ғылым мен мүмкіндіктердің кең көкжиегін ашуда. Бұл жоба балаларды өзін-өзі дамытуға, жаңа идеялар мен шығармашылыққа, болашақта ғылыми қызметке шабыттандыруға және ынталандыруға арналған.

Жаратылыстану-ғылыми бағыттағы Педагогикалық институттың ғалымдары Binom school, № 78, №73 мектеп-гимназияларының 5-6 сынып оқушыларымен кездесті.

Университеттің бес аудиториясында математика, физика информатика, химия, биология бағыттары бойынша студенттердің ғылыми-техникалық шығармашылығынан таңданыс тудыратын роботтар, қызықты эксперименттер, өнертабыстары "AIU: білімге шабуыл" көрмесінде көрсетілді.

Балаларға өз әлеуетін ашуға және өз кәсібін табуға көмектесетін Астана Халықаралық университетінің ғалымдарын таныстырамыз:

1. Ахмадиева Жанна Қуанышқызы-доцент, педагогика ғылымдарының кандидаты, Педагогикалық институттың директоры

2. Мұсаева Бинур Ғаббасқызы-профессор, химия ғылымдарының кандидаты

3. Анияров Альмир Аскарович-доцент, физика-математика ғылымдарының кандидаты

4. Нұркенов Серік Амангелдіұлы-доцент, физика-математика ғылымдарының кандидаты

5. Нұрғалиева Домен Аукиловна-доцент педагогика ғылымдарының кандидаты

6. Хамзина Салтанат Рашидовна-PhD докторы

7. Дамекова Сәуле Қайроллқызы-доцент, педагогика ғылымдарының кандидаты

Ресми бөлімде ғалым, профессор Бинур Ғаббасқызы Мұсаеваның қолынан символдық кілт біздің Балалар университетінің алғашқы студенті болған оқушыларға берілді.  Бұл сәт ғылыми білімді, тәжірибе мен дағдыларды аға буыннан жас ұрпаққа берудің символы болып табылады. Бұл кілтті беру біздің балалар университетінің әл-ауқаты мен өркендеуінің символына айналды!

Біздің балаларымыз қуанышпен және құлшыныспен дамып, білім алады және балалар университеті олар үшін өз әлеуетін ашып, жаңа биіктерге жетелейтін орынға айналады деп үміттенеміз.

Балалар университетінің алғашқы студенттерін құттықтаймыз!

Барлық ниет білдірушілерді бізге қосылуға және балаларына ғылымға алғашқы қадамдар жасауға бірегей мүмкіндік беруге шақырамыз.

Университет серіктестерін, демеушілерді, ата-аналарды Астана Халықаралық университетінің Педагогикалық институты ғалымдарының бастамасын қолдауға шақырамыз. Осы маңызды оқиғаның бір бөлігі болу мүмкіндігін жіберіп алмаңыз!

Біздің жаңалықтарымызды қадағалаңыз және балалар университеті туралы көбірек білу үшін сабаққа келіңіз.