Жаңалықтар

2025 жылдың наурыз-мамыр айлары аралығында Экономика жоғары мектебінің Жасыл экономика мектебінің басшылары Лесбаева Г. Т. мен Байбаш Г. Қ. жасыл экономика, тұрақты даму және климаттық трансформация мәселелеріне арналған біліктілікті арттыру бағдарламасын сәтті аяқтады.

Курстық бағдарлама тұрақты дамуға көшу барысындағы заманауи сын-қатерлер мен басымдықтарды қамтыған кең ауқымды тақырыптарды қамтыды: жасанды интеллект дәуіріндегі білім беру мен еңбек нарығының болашағы; БҰҰ-ның климаттық режимінің тарихы және жаңа климаттық экономика; жасыл трансформациядағы сыбайлас жемқорлыққа қарсы мәдениет және құқықтық негіздер; энергетикалық сектор мен экологиялық туризмнің әлеуметтік-экономикалық дамудағы рөлі; тұлғаның экологиялық мәдениетін қалыптастыру, эмоционалдық интеллект пен эмпатияны дамыту; жасыл экономика саласындағы ұлттық заңнама және халықаралық тәжірибе.

Бағдарламаның ерекше құндылығы – климаттық парадигманың жаңа моделін, көміртегі бейтараптығына қол жеткізу стратегияларын және әрбір адамның (L.O.V. – жеке анықталған үлес) тұрақты болашаққа қосатын үлесін ашып көрсеткен, Нобель сыйлығының лауреаты, халықаралық сарапшы Рае Квон Чунгтың дәрістері мен семинарлары болды.

Курсты аяқтау нәтижесінде қатысушылар жеке тапсырмаларды орындап, қорытынды пікірталасқа қатысты. Бұл курс кәсіби біліктілікті арттырудағы маңызды қадам болып табылады және Жоғары экономика мектебінің жасыл экономика мен тұрақты даму саласындағы ғылыми-білім беру әлеуетін нығайтуға өз үлесін қосады.

🎓 AIU-да қонақтар дәрісі🌍

2 маусымда біздің университетте ерекше қонақ болды — Joel Adamson (Жолтай) — кәсіпкер, инвестор, халықаралық тәжірибесі бар инженер-эколог! 🇺🇸🤝🇰🇿 

Ол бөлісті:

✨ Тұрақтылық туралы түсініктер

🌱 Мұнай саласындағы жұмыс тәжірибесімен

🌍 Жаһандық бизнестегі қазақ мәдениетінің маңыздылығы

Ең бастысы-студенттерімізді болашаққа белсенді және жауапты болуға шабыттандырды!

En Joel-investsheshim президенті және Instagram-да танымал блогер (@Joel.investkaz), Қазақстанды әлемдік аренада белсенді түрде ілгерілетуде 🌐

Айта кету керек, қонақтар дәрісі қазақ тілінде өткізілді, Адамсон мырза қазақ тілін жетік біледі және шет тілдерін үйренудің құпияларымен бөлісті. 

Сапарыңыз бен мотивацияңыз үшін рахмет! Жаңа кездесулер мен жобаларды күтеміз 💼

#AIU #JoelAdamson #қонақтар кеші

Құрметті әріптестер!

Алдағы айларда гранттық және мақсатты қаржыландыру жобалары бойынша конкурстардың жариялануы күтілуде. Өтінімдерді сапалы дайындау мақсатында Сіздерді ҰҒК мүшесі – Барлыбаев Алібек Бақтыбайұлы өткізетін шеберлік сабағына қатысуға шақырамыз.

Іс-шара аясында келесі тақырыптар қарастырылады:

жеңіске жетуге бағытталған өтінім жазу әдістері;

конкурс құжаттарын дұрыс толтыру;

жиі кездесетін қателіктер және олардан қалай аулақ болуға болады;

тәжірибелі ғалымның нақты кеңестері мен мысалдары.

2025 жылғы 4 маусымда, дүниежүзілік қоршаған ортаны қорғау күні қарсаңында, Астана Халықаралық университетінде университет президенті Серік Азтаевич Ирсалиев пен тәжірибелі экологтар қауымдастығының төрайымы Лаура Маликова арасында ресми кездесу өтті.

Кездесу аясында экология мамандығы бойынша білім алып жатқан студенттердің кәсіби даярлығын дамытуға бағытталған ынтымақтастық туралы меморандумға қол қойылды.

Құжат тараптардың келесі бағыттар бойынша бірлескен жұмысты жүзеге асыру ниетін бекітеді:

·         студенттерге кәсіби тәжірибе ұйымдастыру және өткізу;

·         түлектердің жұмысқа орналасуына жәрдемдесу;

·         экология саласындағы бірлескен білім беру және ғылыми бастамаларды жүзеге асыру.

Меморандумға қол қою академиялық және кәсіби орта арасындағы ынтымақтастықты нығайту жолындағы маңызды қадам болып табылады. Бұл болашақ эколог мамандарды практикалық тұрғыдан даярлауға және олардың кәсіби дағдыларын дамытуға жаңа мүмкіндіктер ашады.

«Тәжірибелі экологтар қауымдастығына және жеке — Лаура Маликоваға ынтымақтастыққа деген ашық ұстанымы мен Қазақстанда экологиялық білім беруді дамытуға қосқан үлесі үшін шын жүректен алғыс білдіреміз. Біздің серіктестігіміз табысты жобаларды іске асырудың және елімізде тұрақты экологиялық тәжірибелерді ілгерілетудің кепілі болады деп сенеміз», — деді университет президенті Серік Ирсалиев.

#AIU #AstanaInternationalUniversity #Экология #Ынтымақтастық #Меморандум #ҚоршағанОртаныҚорғауКүні #ЖасылБолашақ

2025 жылғы 26 мамырда Қазақстан Республикасы Ғылым және жоғары білім министрлігіне қарасты Ғылым және жоғары білім саласындағы сапаны қамтамасыз ету комитетінің №832 бұйрығына сәйкес, Нұрболат Тасболатұлына 21100 – «Компьютерлік ғылымдар және информатика» ғылыми бағыты бойынша қауымдастырылған профессор (доцент) ғылыми атағы берілді.

2025 жылғы 2 маусымда Финляндияның Kajaani қолданбалы ғылымдар университетінің (KAMK) өкілдері Astana International University (AIU) университетіне ресми сапармен келді. Кездесу екі жоғары оқу орны арасындағы серіктестікті нығайтудың маңызды кезеңіне айналып, білім беру мен ғылыми-зерттеу бағыттарында жаңа мүмкіндіктерге жол ашты.

Кездесу барысында тараптар ақпараттық технологиялар, бизнес және экономика, туризм мен экология салаларындағы ынтымақтастық мәселелерін талқылады. Бірлескен білім беру бағдарламаларын іске қосу, академиялық ұтқырлықты дамыту, тағылымдамалар мен жобалық оқыту форматтарын енгізу – басты назарда болды.

AIU халықаралықтандыру, әлемдік рейтингтерге қатысу және Еуропа, Азия мен АҚШ университеттерімен әріптестік орнату саласындағы жетістіктерімен бөлісті. Өз кезегінде, фин тарапы тәжірибеге бағытталған жобаларды – бірлескен модульдер, пәнаралық шеберлік сабақтары және онлайн-бағдарламаларды жүзеге асыруға дайын екенін білдірді.

Kajaani қолданбалы ғылымдар университеті (KAMK) – Финляндияның орталығында орналасқан халықаралық деңгейдегі қолданбалы жоғары оқу орны. 1992 жылы құрылған университет аймақтық және ұлттық деңгейде инновацияларға бағытталған білім беру үлгісімен танымал. Бүгінде KAMK-де шамамен 3300 студент білім алады, ал түлектерінің саны 5500-ден асады.

KAMK келесі білім беру бағдарламаларын ұсынады:

• Фин тілінде – 10 бакалавриат бағдарламасы, ағылшын тілінде – 4 бакалавриат бағдарламасы;

• Фин тілінде – 7 магистратура бағдарламасы, ағылшын тілінде – 2 магистратура бағдарламасы.

KAMK Финляндияда оқыту мен академиялық қолдаудың сапасы бойынша бірнеше жыл қатарынан үздік атанып келеді. FINEEC – Финляндияның Білім беру сапасын бағалау орталығы университетке 2027 жылдың көктеміне дейін жарамды сапа белгісін берген.

Университеттің KAMK’30 стратегиясы білім беру қызметтерін ұсынатын қауіпсіз, тартымды және денсаулыққа қолайлы орта қалыптастыру, қоғам сұранысына сай нәтижеге бағытталған оқыту жүйесін қамтамасыз ету және таңдаулы академиялық салаларда ұлттық әрі халықаралық серіктеске айналу мақсатын көздейді.

Кездесу соңында тараптар келесі бағыттарды қамтитын өзара түсіністік туралы меморандумды дайындауға уағдаласты:

• Бірлескен білім беру бағдарламаларын іске асыру;

• Студенттер, оқытушылар мен зерттеушілер алмасуы;

• Бірлескен ғылыми және тәжірибелік іс-шаралар өткізу;

• Оқу-әдістемелік материалдар мен ғылыми жарияланымдармен алмасу;

• Кәсіби даму және біліктілікті арттыру бағдарламаларын ұйымдастыру.

AIU мен KAMK өкілдері бұл серіктестік – білім, тәжірибе және инновациялық көзқарастармен алмасу арқылы екі елдің де жас мамандарын сапалы даярлауға үлес қосатын нақты қадам болады деген сенім білдірді.

Astana International University (AIU) оқу орнына ресми сапармен Ифе королі әрі йоруба халқының рухани көсемі – Оның Ұлылығы Адеейе Энитан Огунвуси келді. Йоруба – Нигериядағы ең ірі этностардың бірі, халқының саны шамамен 40 миллион адамға жетеді.

Бұл сапар корольдің «Астана» халықаралық форумына қатысуы аясында жүзеге асты. Ол форум тарихында алғаш рет өткен «Қазақстан – Африка: ынтымақтастықтың жаңа көкжиектері» атты арнайы сессияда спикер ретінде сөз сөйледі.

AIU қабырғасында өткен ресми кездесу барысында мәртебелі мейман Нигерияның бүгінде Африканың халқы ең көп әрі қарқынды дамып келе жатқан елі екенін атап өтті. Бүгінде ел халқы 235 миллионнан асады, ал халықтың медиандық жасы – небәрі 18,1 жас. Бұл көрсеткіш Нигерияны әлемдегі ең жас мемлекеттердің біріне айналдырады. Сол себепті ел алдында білім беру саласында кешенді шешімдер қабылдау міндеті тұр. Нигерия үкіметі өз жастарына сапалы білім беру мақсатында халықаралық серіктестермен тығыз байланыс орнатуға мүдделі. Әсіресе академиялық ұтқырлық бағдарламаларын іске қосу, қос диплом беру жобаларын дамыту және тілдік даярлықты кеңейту мәселелері басым бағыттар қатарында.

Осы тұрғыда корольдің AIU-ға сапары нақты әріптестік механизмдерін талқылап, университет пен Нигерия тараптары арасында өзара келісімдер жасауға жол ашты.

Кездесу барысында AIU президенті университеттің құрылу тарихы, профессорлық-оқытушылық құрамы, халықаралық бағдарламалар мен жетістіктері туралы кеңінен баяндады. Әсіресе университеттегі интернационалдандыру саясаты мен көптілді білім беру тәжірибесіне ерекше тоқталды. Ректордың айтуынша, шетелдік студенттер қазақ, ағылшын, орыс және қытай тілдерін дәстүрлі әдістермен де, заманауи цифрлық құралдар арқылы да еркін меңгере алады.

Бүгінде AIU 12 елдің студенттерін біріктіріп отыр. Ал Нигериямен жасалатын алғашқы келісімдер осы ел жастары үшін университеттің жаһандық академиялық қауымдастығына қосылудың бастауы болмақ.

«Білім – мәдениеттер мен құрлықтарды жалғайтын алтын көпір. Оның Ұлылығы Адеейе Энитан Огунвусидің университетімізге арнайы келуі – өзара құрмет пен сенімнің белгісі. Бұл кездесу жоғары білім саласындағы тығыз ынтымақтастықтың жаңа кезеңін бастайды деп сенеміз», – деді Astana International University ректоры.

2025 жылғы 29 мамырда Астанадағы Назарбаев Университетінде Қытай Халық Республикасының Төрағасы Си Цзиньпиннің «Мемлекеттік басқару туралы» төрт томдық кітабының қазақ тіліндегі нұсқасының ресми тұсаукесері өтті. Іс-шараға Astana International University Президенті Серік Азтаевич Ирсалиев пен Қытайдың жетекші жоғары оқу орындарының бірі – Пекин тілі және мәдениет университетінің (BLCU) Қазақстандағы филиалының өкілдері қатысты. BLCU Kazakhstan — AIU базасында жұмыс істейтін бірлескен халықаралық білім беру жобасы.

Бұл маңызды мәдени-гуманитарлық іс-шараға Қазақстан мен Қытайдың мемлекеттік органдары, ғылыми ортасы, дипломатиялық корпусы және бұқаралық ақпарат құралдарының 300-ден астам өкілі жиналды. Құрметті қонақтар қатарында ҚР Мәдениет және ақпарат министрі Аида Балаева, Қытай Коммунистік партиясы Орталық комитетінің үгіт-насихат бөлімі бастығының орынбасары Ху Хэпин, ҚХР Ұлт істері жөніндегі мемлекеттік комитеті төрағасының орынбасары Го Вэй, ҚХР Шетелдік әдебиетті жариялау және тарату басқармасының директоры Ду Чжаньюань, сондай-ақ Қытайдың Қазақстандағы Төтенше және Өкілетті Елшісі Хань Чуньлин болды.

📚 Кітапта Қытайдың заманауи даму стратегиясы, ішкі және сыртқы саясаты, әлеуметтік әділеттілік және тұрақты даму мәселелері қамтылған. Қазақ тіліне аударылып, жарыққа шығуы – қазақстандық және қытайлық баспалардың, соның ішінде «Фолиант» баспасы мен ҚХР Ұлттар баспасының тығыз әріптестігінің нәтижесі.

🌏 Іс-шараға AIU мен BLCU Kazakhstan-ның қатысуы білім беру мен мәдениет салаларындағы өзара байланыстарды одан әрі тереңдетудің маңыздылығын көрсетті. AIU Президенті Серік Ирсалиевтің айтуынша:
«Біздің миссиямыз – Қазақстан мен Қытай арасында зияткерлік көпір болу. BLCU секілді бірлескен білім беру жобалары – өзара түсіністікке, білім мен құрметке негізделген ортақ болашаққа қосқан үлесіміз».

Astana International University ұйымдастырушыларға алғысын білдіреді және білім, ғылым мен гуманитарлық ынтымақтастықты одан әрі нығайтуға дайын екенін растайды.

Astana International University Экономика жоғары мектебінің Менеджмент ББ 2

курс студенттерінің командасы студенттер мен магистранттар үшін ұйымдастырылған

«Менеджментті цифрландыру: жаңа мүмкіндіктер мен талаптар» тақырыбында VІІІ

Халықаралық сырттай олимпиадаға қатысты. Олимпиада жыл сайын Әл-Фараби

атындағы Қазақ ұлттық университеті «Менеджмент» кафедрасында өткізіледі.

Мағзұмов Ерасыл, Қалдыбаева Балнұр, Сүлеймен Бекслан, Балгин Арман, Мұрат

Нұрзат барлық кезеңдерден өтіп олимпиада нәтижелері бойынша оларға конкурстық

комиссия ІІІ дәрежелі дипломмен марапаттауға ұсынды. Ғылыми жетекшісі: э.ғ.к., доцент

Қадырова Г.А. Біздің студенттерімізді құттықтаймыз және жаңа жетістіктерге жетулерін

тілейміз!

2025 жылғы 28 мамырда Астана Халықаралық Университеті (AIU) мен Dyslex Home School мектебі арасында ынтымақтастық туралы меморандумға қол қойылды. Dyslex Home School — Қазақстан мен ТМД елдеріндегі дислексиясы бар балаларды Рональд Дейвис әдістемесі бойынша оқытатын алғашқы және жалғыз мектеп.

Ынтымақтастықтың мақсаты — Қазақстандағы инклюзивті білім беруді дамытуда стратегиялық серіктестік орнату, сондай-ақ білім беру, ғылыми және тәжірибелік салаларда өзара тиімді байланыс қалыптастыру. Негізгі бағыттардың бірі — AIU студенттеріне кәсіби тәжірибеден өту мүмкіндігін ұсыну, бірлескен жобаларды жүзеге асыру, сондай-ақ педагогикалық ғылымдар бағыты бойынша мамандарды даярлау және қайта даярлау бағдарламаларын ұйымдастыру.

Қазіргі уақытта дислексия, дисграфия және дискалькулия сияқты нейроерекшеліктер туралы ақпараттандыру өзекті болып отыр. Бұл ерекшеліктер интеллектінің бұзылуымен байланысты емес, бірақ ерекше педагогикалық тәсілді қажет етеді. Мұндай балалар көбінесе шығармашылық ойлау қабілетіне ие болса да, дәстүрлі оқу жүйесінде қиындықтарға тап болады.

Dyslex Home School – оқу, жазу және есептеу қиындықтары бар балалардың әлеуетін ашуға көмектесетін, оларға жайлы әрі түсіністік ортада білім алуға мүмкіндік беретін Рональд Дейвис әдістемесін қолданатын мектеп.

Қол қойылған меморандум – оқуда қиындықтары бар балалармен тиімді жұмыс істей алатын жоғары білікті педагогтарды даярлауға бағытталған жүйелі жұмысты қалыптастыру жолындағы маңызды қадам. AIU инклюзивті білім беруді дамытуды жалғастыра отырып, педагогикалық ғылым мен тәжірибенің көкжиегін кеңейтуде.

Astana International University студенттерді Oxford Summer School бағдарламасына қатысуға шақырады. Бағдарлама 2025 жылғы 14–19 қыркүйек аралығында әлемге әйгілі Оксфорд университетінде өтеді.

Жазғы мектепті Чехиядағы серіктесіміз – Newton University ұйымдастырып отыр. Бұл бағдарлама AIU мен Newton арасындағы ынтымақтастық туралы меморандум аясында өткізіледі және студенттердің академиялық, мәдени және жеке даму мүмкіндіктерін кеңейтуге бағытталған.

📌 Негізгі ақпарат:

🔹 Өту мерзімі: 2025 жылғы 14–19 қыркүйек
🔹 Өтетін орны: University of Oxford, Ұлыбритания
🔹 Қатысушылар: білімге құштар, белсенді студенттер
🔹 Іріктеу: сұхбат негізінде
🔹 Бағдарлама тілі: ағылшын

💼 Бағдарламаға не кіреді:

• танымал профессорлардың дәрістері

• академиялық сессиялар мен воркшоптар

• мәдени іс-шаралар

• салтанатты кешкі ас

• тұру және тамақтану

💵 Қатысу құны: 24,900 CZK (~1000 еуро)
📌 Алдын ала төлем: 10,000 CZK
🗓 Қалған сома — 2025 жылғы 30 маусымға дейін
✈️ Бағаға ұшақ билеті, жергілікті көлік және экскурсиялық билеттер кірмейді.

📝 Тіркелу:

• Қатысуға өтініш арнайы сілтеме арқылы жіберіледі (бағдарлама үйлестірушісі береді).

• Ұйымдастыруды Andrea King (NEWTON University) жүргізеді.

• Қатысушылар саны шектеулі!

📨 Қосымша ақпарат алу үшін AIU Экономика жоғары мектебінің деканатына жүгініңіз.