Жаңалықтар

Хайнань аралында Қытайдың жетекші жоғары оқу орындарының бірі - Бейжің тіл және мәдениет университетінде (BLCU) өткен BLCU Kazakhstan филиалы студенттерінің тілдік тағылымдамасы өз мәресіне жетті. Бағдарламаға 50 студент қатысып, бұл екі апта олардың білім жолындағы мазмұнды, әсерлі және аса маңызды кезеңге айналды.

Тағылымдама 2025 жылғы 15-29 желтоқсан аралығында өтті және қытай тілін оқытудың әлемдегі ең беделді орталықтарының біріндегі шынайы академиялық ортаға енуге бірегей мүмкіндік берді. Айта кету керек, дәл осы университетте 1983-1984 жылдары Қазақстан Республикасының Президенті Қасым-Жомарт Тоқаев білім алған, бұл тағылымдаманың тарихи маңызын және символдық мәнін арттыра түседі.

Екі апта бойы студенттер BLCU университетінде шетелдік студенттерге қолданылатын қытай тілін оқыту әдістемесі бойынша білім алды. Қысқа әрі қарқынды кезең ішінде қатысушылар қытай тілін меңгеру деңгейін айтарлықтай арттырып, сөздік қорын кеңейтті және ауызша сөйлеу дағдыларын жақсартты.

Оқу сабақтарымен қатар бағдарлама мазмұнды мәдени және тәжірибелік іс-шараларды қамтыды. Студенттер қытай каллиграфиясы мен тайцзицюань (қозғалыс, тыныс алу жаттығулары мен үйлесім философиясын біріктіретін дәстүрлі қытай жауынгерлік өнері) бойынша шеберлік сабақтарына қатысты. Сонымен қатар олар Қытайдың тарихы мен дәстүрлерімен танысып, Хайнань аралы мен Санья қаласының көрнекті орындарын аралады, ли мен мяо ұлттарының ауылдарында болып, «Бұғы басын бұрған» саябағын және «Романтик» атты ең ірі тақырыптық паркті тамашалады.

Бұл тағылымдама студенттер үшін тек білім алу үдерісі ғана емес, сонымен қатар мәдени, өркениетаралық және тұлғалық даму тәжірибесіне айналды. Ол қытай мәдениетін тереңірек түсінуге, дүниетанымды кеңейтуге, халықаралық тәжірибе жинақтауға және жаңа таныстықтар орнатуға мүмкіндік берді.

Бағдарлама аяқталған соң барлық қатысушыларға Бейжің тіл және мәдениет университетінде тілдік тағылымдамадан өткенін растайтын сертификаттар табысталды.

Хайнаньдағы бұл екі апта студенттік өмірдің жарқын беттерінің біріне айналып, құнды білім, шабыт пен алдағы жетістіктерге деген ынта сыйлады.

Шетелде кадрлар даярлау жөніндегі республикалық комиссияның 2025 жылғы 24 желтоқсандағы шешіміне сәйкес Astana International University ұстаздары «Ғылыми тағылымдамалар» бағдарламасы бойынша «Болашақ» халықаралық стипендиясының иегерлері тізіміне енді. 2026 жылы "BLCU Kazakhstan" брэнч кампусының директоры Қошанова Сәуле Ерденқызы мен Студенттермен жұмыс департаментінің қызметкері Бакенова Камила Серікқызы шетелдің жетекші ғылыми және зерттеу орталықтарында ғылыми тағылымдамадан өтеді.

Әріптестерімізді шын жүректен құттықтаймыз және ғылыми тағылымдамадан сәтті өтіп, жаңа кәсіби жетістіктерге жетулеріне тілектеспіз!

Astana International University Оразов Айдын Ерғалиұлын мемлекеттік ғылыми стипендияның иегері атануымен шын жүректен құттықтайды. Бұл жоғары марапат ғалымның ғылыми-зерттеу қызметіне қосқан елеулі үлесін, жоғары білім беру жүйесін дамытуға, заманауи оқыту әдістемелерін енгізуге және жас ғалымдарды даярлауға сіңірген еңбегін айқын мойындаудың дәлелі. Сондай-ақ «Жоғары оқу орнының үздік оқытушысы - 2025» құрметті атағы берілді.

Айдын Ерғалиұлының отандық және халықаралық деңгейде мойындалған ғылыми еңбектері университетіміздің академиялық беделін арттыруға, білім сапасын жетілдіруге және ғылыми әлеуетті нығайтуға зор ықпал етуде.

Құрметті Айдын Ерғалиұлы, алдағы ғылыми жолыңызда толағай табыстар, жаңа идеялар мен биік жетістіктер тілейміз! Еңбегіңіз жана берсін, ғылым жолындағы ізденістеріңіз әрдайым нәтижелі болсын!

ЖТН 26100031 «Ядролық қарусыздану саласындағы халықаралық медиациялық хаб: Қазақстан және шетел елдерінің тәжірибесі» ғылыми жобасын іске асыру аясында жобаның ғылыми қызмткерлері Чингаева Б.К., Болат А.А., Рамазанова Н.Ә. Астана қаласына күнтізбелік жоспарға сәйкес жұмыс іссапарын жүзеге асырды. Іссапардың негізгі мақсаты - жобаның ғылыми-тәжірибелік негізін нығайту, сондай-ақ, жоба төңірегіндегі алға қойған міндеттерді жүзеге асыру болып табылды.

          Іссапар барысында ғылыми қызметкерлер жоба бойынша зерттеу тобының қалған мүшелерімен офлайн форматта жұмыс сессияларын өткізді. Сондай-ақ, жоба мүшелері атқарылған жұмыстарды талқылап, аралық нәтижелер келісіліп, сондай-ақ 2026 жылға арналған зерттеу жоспарын қарастырылып және жоба күнтізбелік жоспарына сәйкес міндеттерді бөлуді қамтамасыз етілді. Сонымен қатар, жобаны жүзеге асыру аясында, зерттеліп жатқан тақырыпқа қатысты тәуелсіз пікірлерді жинау және мазмұндық бағыттар бойынша кәсіби бағалаулар алу мақсатында ҚР Сыртқы істер министрлігі (СІМ) мен ҚР Президенті жанындағы Қазақстан стратегиялық зерттеулер институты (ҚСЗИ) сарапшыларымен офлайн кездесулер ұйымдастырылып, сұхбаттар алынды.

 Сарапшыларымен өткізілген кездесулер нәтижесінде, жобаның мазмұны мен тұжырымдары бойынша тәуелсіз пікірлер алынып, кәсіби бағалаулар жинақталды. Іссапар барысында зерттеліп жатқан тақырыпқа қатысты  қосымша дереккөздер мен материалдарды іріктеу, зерделеу және жүйелеу мақсатында Қазақстан Республикасының Ұлттық академиялық кітапханасында ғылыми зерттеулер үшін қажетті әдебиеттер мен дереккөздер жинақталып, талданып және  табылған ақпараттарға жүйелеу жұмыстары жүргізілді. Алынған қосымша дереккөздер мен зерттеу материалдары жобаның ғылыми өңдеуі мен жарияланымдар үшін пайдалы база ретінде келешекте қолданылады. Жобаның ғылыми қызметкерлері Астана қаласына жасаған жұмыс іссапары барысында жобаның ғылыми-тәжірибелік негізі едәуір нығайтылды. Нақтырақ айтсақ, зерттеу басымдықтары өзектендірілді, яғни жоба аясындағы зерттеу бағыттары нақтылап, олардың одан әрі дамуы үшін қажетті ғылыми құралдар мен әдіс-тәсілдер айқындалды.

Сондай-ақ, аталған іссапар барысында алынған нәтижелер жобаның алдағы кезеңдеріндегі жұмыстың тиімділігін арттырып, Қазақстанның халықаралық құқық және ядролық қарусыздану саласындағы ғылыми зерттеулеріне жаңа серпін беруге мүмкіндік тудырды. Алынған нәтижелер халықаралық құқық және ядролық қарусыздану саласындағы ғылыми зерттеулердің дамуына елеулі үлес қосатыны айдан анық.

Astana International University студенті Бакдаулет Кемал 2025-2026 маусымындағы халықаралық Huawei ICT Competition байқауында III орынға ие болды.

Жеңімпаздың аты-жөні мен нәтижесі салтанатты марапаттау рәсімі барысында ресми түрде жарияланды. Марапаттау рәсіміне Astana International University вице-президенті Қайрат Амангельдиевич және Ақпараттық технологиялар және инженерия жоғары мектебі деканының орынбасары Мира Жорабековна қатысып, іс-шараның жоғары мәртебесін және байқаудың ІТ-білім беруді дамыту мен бәсекеге қабілетті мамандар даярлаудағы маңызын атап өтті.

Сондай-ақ жеңімпаздарға сертификаттар мен сыйлықтарды Қазақстан Республикасының Ғылым және жоғары білім министрлігінің вице-министрі Шеглова Д.Р. және Huawei компаниясының Қазақстандағы басшылығы табыстады.

Huawei ICT Competition ақпараттық-коммуникациялық технологиялар саласындағы әлемнің ондаған елінен студенттерді біріктіретін ең ірі халықаралық байқаулардың бірі. Бакдаулет Кемалдың жеңісі Astana International University студенттерінің жоғары дайындық деңгейін және университеттің білім беру бағдарламаларының сапасын айқын көрсетеді.

Astana International University (AIU) мен Азиаттық ғылымдар академиясы халықаралық ғылыми зерттеулерді дамыту, академиялық ұтқырлықты кеңейту және бірлескен білім беру бастамаларын іске асыруға бағытталған ынтымақтастық туралы меморандумға қол қойды.

Құжатта бірлескен ғылыми-зерттеу жобаларын жүзеге асыру, ғалымдар мен жас зерттеушілер алмасу, халықаралық конференциялар, семинарлар мен жазғы мектептер ұйымдастыру, сондай-ақ аналитикалық есептер мен сараптамалық ұсынымдар әзірлеу көзделген. Сонымен қатар жарияланымдық белсенділікті арттыруға, бірлескен ғылыми мақалалар мен ұжымдық монографиялар дайындауға ерекше назар аударылады.

Ынтымақтастық аясында пәнаралық зерттеулерді дамытуға және ғылым мен технологиялардың БҰҰ-ның Тұрақты даму мақсаттарына қол жеткізудегі рөліне басымдық беріледі. Бұл - ғылымды тек жаңа білім көзі ретінде ғана емес, жаһандық әлеуметтік-экономикалық және экологиялық мәселелерді шешудің тиімді құралы ретінде қарастыратын қазіргі әлемдік үрдістерге сай келетін бағыттардың бірі.

Меморандумда атап көрсетілгендей, серіктестік академиялық еркіндік, ашық ғылым, өзара құрмет және ерікті қатысу қағидаттарына негізделеді. Нақты жобалар мен оларды іске асыру тетіктері жекелеген келісімдер арқылы рәсімделіп, бұл тараптардың ғылыми басымдықтары мен мүмкіндіктерін икемді түрде ескеруге мүмкіндік береді.

Атап айтқанда, ынтымақтастықтың перспективалы бағыттарының бірі - аумақтық зияткерлік меншік бойынша азиялық жүйе құру. Мұндай жүйе ғылыми әзірлемелер мен өнертабыстарды халықаралық деңгейде қорғауға жол ашады:  патент бірден әлемнің 189 елінде уақытша (үш жылға дейін) құқықтық қорғауды қамтамасыз ете алады, сондай-ақ бір патент Еуропаның 38 елін қамтуы мүмкін. Бұл инженерлерге, зерттеушілер мен әзірлеушілерге ғылыми идеяларды коммерцияландыру және халықаралық деңгейде ілгерілету үшін жаңа мүмкіндіктер ұсынады.

Қазақстан мен Қытай арасындағы достық байланыстарды нығайтуға қосқан елеулі үлесі үшін Пекин тіл және мәдениет университетінің Президенті Дуань Пэн «Достық» орденінің II дәрежесімен марапатталды. Жоғары мемлекеттік награданы Қазақстан Республикасының Қытай Халық Республикасындағы Төтенше және Өкілетті Елшісі Шахрат Нұрышев табыстады.

Марапаттау рәсімі барысында Қазақстанның дипломатиялық миссиясының басшысы аталған орденнің маңыздылығына тоқталып, Бейжің тіл және мәдениет университетінің Қазақстан үшін білікті кадрлар даярлау ісіне қосқан үлесін ерекше атап өтті. Айта кету керек, Қазақстан Республикасының Президенті Қасым-Жомарт Тоқаев дәл осы оқу орнында білім алған. Бүгінде университет бұл игі дәстүрді жалғастырып, қазақстандық жастарды Бейжің қаласында да, Астана қаласындағы филиалында да даярлап келеді.

Белгілі болғандай, Бейжің тіл және мәдениет университетінің Астанадағы филиалы 2024 жылы екі елдің мемлекет басшыларының қатысуымен Астана халықаралық университетінің базасында салтанатты түрде ашылған болатын. Қазіргі таңда филиалда 250-ге жуық студент білім алуда.

Айта кетейік, «Достық» ордені халықтар арасындағы бейбітшілік, өзара түсіністік пен ынтымақтастықты нығайтуға қосқан ерекше еңбегі үшін табысталады. Бұл Қазақстан Республикасының беделді мемлекеттік наградаларының бірі саналады.

18 желтоқсан күні University of International Business and Economics (UIBE, Бейжің қаласы.) шет тілдері институтымен бірлесіп «Халықаралық бизнес» қос дипломды білім беру бағдарламасының 4-курс студенттері мен қытай студенттердің кездесуі ұйымдастырылды.

Кездесу жылы, достық және еркін атмосферада өтті. Іс-шараның негізгі мақсаты - студенттердің ауызша сөйлеу дағдыларын дамытуға және мәдениетаралық қарым-қатынасын нығайтуға ықпал ету.

Кездесу аясында біздің студенттер арнайы викторина дайындап, оның барысында қытай студенттер Қазақстан және Орталық Азияның басқа да елдерінің мәдениетімен танысты, ал «Халықаралық бизнес» қос дипломды білім беру бағдарламасының 4-курс студенттері Қытай мәдениеті туралы көптеген қызықты мәліметтер алды.

Қазіргі таңда екінші серіктес университет - Бейжің қаласындағы University of International Business and Economics (UIBE) базасында білім алып жатқан «Халықаралық бизнес» қос дипломды білім беру бағдарламасының 4-курс студенттері халықаралық деңгейде өздерінің жоғары академиялық және қытай тіліндегі дайындық деңгейін көрсетті.

Қытай Халық Республикасында оқу барысында Ем Сарра, Мурсалимова Жансая және Болат Айтуар атты үш студент UIBE-де шетелдік студенттер арасында өткізілген《圆梦中国》 - Қытайда білім алып жатқан шетелдік студенттерге арналған қытай тіліндегі эссе байқауы

Аталған байқау қытай тілі мен мәдениетін меңгеріп жатқан әртүрлі елдердің студенттерін біріктіріп, қытай тіліндегі академиялық жазылым дағдыларын дамытуға және мәдениетаралық өзара түсіністікті нығайтуға бағытталған.

Байқау қорытындысы бойынша студенттеріміздің эсселері қазылар алқасы тарапынан жоғары бағаланып, байқау жинағында жариялауға лайық деп танылды, бұл - маңызды академиялық жетістік әрі қытай тілін меңгеру деңгейінің жоғары екенін дәлелдейді.

Байқауға қатысқан барлық студенттер UIBE Халықаралық институты тарапынан берілген Құрмет грамоталарымен марапатталды.

Студенттерімізді лайықты жетістіктерімен құттықтай отырып, алдағы оқуында, ғылыми және халықаралық қызметінде табыстар тілейміз.

2025 жылғы 15 желтоқсанда Астана халықаралық университетінде Қазақстан Республикасы Ғылым және жоғары білім министрлігі Ғылым комитетінің Ботаника және фитоинтродукция институтының (Алматы қ.) қызметкерлерінің қатысуымен ғылыми семинар өтті.

Іс-шара АР19679078 «Қазақстанның аридті флорасының реликттік генофондын сақтау мақсатында солтүстік-шығыс Бетпақдаланың экотондық аумағының түрлік әртүрлілігін зерттеу» гранттық жобасын іске асыру аясында ұйымдастырылды. Аталған жоба Қазақстан Республикасы Ғылым және жоғары білім министрлігі Ғылым комитетінің Ботаника және фитоинтродукция институты тарапынан жүзеге асырылуда.

Семинар Жаратылыстану ғылымдарының жоғары мектебінің профессор-оқытушылар құрамы, студенттері, магистранттары мен докторанттары үшін ұйымдастырылып, Қазақстанның аридті аймақтарындағы ботаникалық әртүрлілік, экология және сирек әрі реликтті өсімдік түрлерін сақтау мәселелерін талқылауға арналған алаңға айналды.

Шарада Жаратылыстану ғылымдарының жоғары мектебі деканының орынбасары Жұмағұл М.Ж. және NatureLab зертханасының ғылыми қызметкері Тұстубаева Ш.Т. жүргізді.

Семинар барысында солтүстік-шығыс Бетпақдаланың негізгі ботаникалық аумақтары, өңір флорасының сирек және эндемик түрлері, соның ішінде Allium lehmannianum Merckl. ex Bunge, реликтті түрлердің қоршаған орта жағдайларына экологиялық бейімделу ерекшеліктері, сондай-ақ солтүстік-шығыс Бетпақдала флорасындағы Rosaceae тұқымдасының түрлік әртүрлілігіне арналған баяндамалар ұсынылды.

Өткізілген ғылыми семинар ведомствоаралық ғылыми ынтымақтастықты дамытуға, зерттеу нәтижелерімен алмасуға және білім алушыларды ботаника мен биоалуантүрлілікті 

2025 жылғы 15 желтоқсанда Жаратылыстану ғылымдарының Жоғары мектебінің «Биология» білім беру бағдарламасының 2-курс студенті Елшібек Аружан Елшібекқызы «Bilim-orkenieti» ұйымы ұйымдастырған республикалық «ҮЗДІК ЖАС ҒАЛЫМ» байқауына қатысып, I дәрежелі дипломмен және «ҮЗДІК ЖАС ҒАЛЫМ» статуэткасымен марапатталды.

Марапаттау рәсімі Қазақстан Республикасының Астана қаласында өткен «Адал адам - адал ұрпақ» атты конференция аясында ұйымдастырылды. Аталған конференция жастардың ғылыми ізденісін қолдауға, кәсіби ойлау қабілетін қалыптастыруға және зияткерлік әлеуетін дамытуға бағытталған.

Елшібек Аружанның ғылыми жетекшісі - Жаратылыстану ғылымдарының Жоғары мектебінің аға оқытушысы Маханова Наргиза Асқарқызы.

Біз студенттеріміздің жетістігін мақтан тұтамыз және алдағы ғылыми жолында сәттілік тілейміз!

2025 жылғы 18 желтоқсанда Қазан федералдық университетінің Психология және білім беру институтында «Ниғматов оқулары. Гуманистік тәрбие: дәстүрлер, инновациялар және болашақ бағдарлар» тақырыбында VII Халықаралық ғылыми-практикалық конференция өтті.

Конференция гуманистік педагогиканың өзекті мәселелерін, рухани-адамгершілік құндылықтарды және қазіргі заман жағдайында тұлға қалыптастырудағы білімнің рөлін талқылау үшін Ресей және шетелдік ғалымдарды, педагогтарды және білім беру саласының практиктерін біріктірді.

Конференция аясында онлайн форматта «Орталық Азия ағартушыларының гуманистік идеялары - білім берудің аксиологиялық ресурсы ретінде» тақырыбында баяндама жасалды. Баяндамашылар - Астана халықаралық университетінің профессоры, педагогика ғылымдарының докторы Баубекова З.Д. және 4 курс студенті Сүлеймен Сания. Ұстаз бен студенттің бірлескен баяндамасы білім берудегі ұрпақтар сабақтастығы мен диалог идеясын айқын көрсетті.

Конференция соңында қатысушылар көрнекті ағартушы Махмудқожа Бехбудидің мұрасына назар аударды. Оның «Ең үлкен байлық - білім. Ең үлкен мұра - тәрбие» деген сөзі конференцияның идеялық өзегіне айналып, бүгінгі педагогикалық қауым үшін өзектілігін сақтап отырғанын көрсетті.