Жаңалықтар

Астана халықаралық университеттің қауымдастырылған профессоры, физика-математика ғылымдарының кандидаты Альмир Анияров Астана қаласындағы №56 Шәкәрім атындағы мектеп-лицейінде өткен Математика апталығы аясында «Ғылыми зерттеу мен математикалық модельдеу: мектептен ғылымға алғашқы қадам» тақырыбында дәріс өткізді.

Дәріс барысында оқушыларға мектептегі математикалық білімдердің ғылыми зерттеулерге қалай ұласатыны, жас зерттеушінің жолы неден басталатыны, математикалық модельдеудің қазіргі ғылым мен технологиядағы рөлі жан-жақты түсіндірілді. Сонымен қатар механикалық жүйелерді модельдеу, есептерді шешу және дифференциалдық теңдеулерді талдау секілді нақты ғылыми жобалардан алынған мысалдар оқушылардың айрықша қызығушылығын тудырды.

Кездесу жылы да мазмұнды атмосферада өтіп, оқушылар белсенділік танытып, STEM бағытындағы білімге қызығушылықтарын көрсетті.

Бұл дәріс - профессордың мектеп пен университет арасындағы ғылыми ынтымақтастықты нығайтуға, жас буынды ғылымға бағыттауға бағытталған жұмысының бір бөлігі. №56 мектеп-лицейі Астана халықаралық университетінің базалық мектебі ретінде ғылыми-әдістемелік зерттеулер мен инновациялық білім беру тәсілдерін сынақтан өткізу алаңы болып табылады

Қазақстан Республикасы Ғылым және жоғары білім министрлігі Ғылым комитеті қаржыландыратын ғылыми  жоба  (ИРН  AP26100031   «Халықаралық медиация хабы – қақтығыстарды бейбіт реттеу мен ядролық қарусызданудың құралы: Қазақстан және шетелдік елдердің тәжірибесі») аясында зерттеу тобының мүшелері 2025 жылғы 10–11 қарашада Брюссель қаласында өткен таратпау және қарусыздану жөніндегі 14-ші Еуропалық конференцияға (EU Non-Proliferation and Disarmament Conference) онлайн форматта қатысты.

Онлайн форматта конференцияға келесі зерттеушілер қатысты:

Саймова Шолпан Алтынбекқызы, Болат Әлібек Алмазұлы, Иржанов Алимжан Сәмігұллаұлы, Чингаева Бахтыгүл Кененсарықызы, Панов Сұлтан Қуанғалиұлы, Рамазанова Назым Әкімқазықызы.

Аталған іс-шара қазақстандық ғалымдарға заманауи талдамалық ақпарат алуға және қару-жарақты бақылау, таратпау және ядролық қарусыздану салаларындағы жетекші халықаралық сарапшылармен тәжірибе алмасуға бірегей мүмкіндік берді. Ашық және мазмұнды пікірталас форматы қатысушыларға жаһандық қауіпсіздік архитектурасын нығайту жолдарын талқылауға жағдай жасады.

Конференция барысында Еуропалық Одақтың Стратегиялық компасын (EU Strategic Compass) іске асыру және таратпау режимдерінің тиімділігін арттыруға бағытталған практикалық ұсынымдар әзірлеу мәселелеріне ерекше назар аударылды.

Қазақстан тарапынан онлайн форматта қатысу өзекті сараптамалық ақпаратқа қол жеткізуге және қару-жарақты бақылау мен қақтығыстарды бейбіт жолмен реттеу саласындағы саясатты қалыптастыруға ықпал ететін еуропалық және халықаралық сараптамалық орталықтармен ынтымақтастық орнатуға мүмкіндік берді.

Конференция материалдары мен сараптамалық тұжырымдар талдамалық есептерді, халықаралық рецензияланатын журналдарда жарияланатын ғылыми мақалаларды және практикалық ұсынымдарды дайындау кезінде пайдаланылатын болады. Бұл өз кезегінде Қазақстанның   таратпау   және   халықаралық   ынтымақтастық саласындағы академиялық және ғылыми әлеуетін одан әрі нығайтуға ықпал етеді.

«History Time -2025» конференциясы университетте өтті

6 қараша күні Астана халықаралық университетінде Ph.D Сауле Туяққызы Дюсупованың жетекшілігімен «Тарих» білім беру бағдарламасының 3-курс студенттерінің қолдауымен дәстүрлі «History Time - 2025» ғылыми-зерттеу конференциясы өтті.

Іс-шараның мақсаты - студенттердің ғылыми-зерттеу қабілеттерін дамыту, тарихи танымдарын тереңдету және жас зерттеушілердің бастамаларына қолдау көрсету.

Конференция барысында қатысушылар өз зерттеу нәтижелерін ұсынып, тарихи деректер мен заманауи көзқарастар тұрғысынан талдау жасады. Шара студенттердің ғылыми әлеуетін арттырып, олардың кәсіби дамуына жаңа серпін берді.

Конференцияның қазылар алқасы:

• Есен Сырым Ғадылбекұлы
• Туякова Айжан Есенқұловна
• Молдахмет Архад Айтжанұлы
• Нышанбай Жанерке Нұрлыбекқызы
• Дюсупова Сауле Туяковна

Конференция жеңімпаздары:

 I орын:

• Тасқараев Дамир – 3 курс
• Кошель Егор – 3 курс
• Төлегенұлы Айбек – 3 курс

 II орын:

• Зейнетаева Таңшолпан – 2 курс
• Қажиетұлы Самғар – 2 курс
• Мәлкаждар Ерсұлтан – 1 курс
• Ғазымжан Бекнұр – 3 курс
• Кисанов Шалқар – 3 курс

 III орын:

• Толегенов Мирас – 3 курс
• Ниязбекова Айдана – 1 курс
• Өмірбек Айым – 2 курс
• Жұмамұрад Ерболат – 2 курс

Жеңімпаздарды ПИ директорының орынбасары Каримова Гулим Сайлаубековна марапаттады .
Әр қатысушыға университет атынан алғыс хат берілді.

Барлық қатысушыларды және әсіресе конференция жеңімпаздарын құттықтаймыз!

Астана халықаралық университетінің Құқық жоғары мектебі студенттері құқық қорғау органдарының өкілдерімен «Заң және тәртіп» қағидасы аясында кездесу өткізді.

Кездесудің басты мақсаты – жастардың құқықтық сауаттылығын арттыру, құқық бұзушылықтың алдын алу және заңға деген құрметті қалыптастыру болды.

 Іс-шара барысында келесі тақырыптар талқыланды: «Заңды біл, өзіңді қорғай біл: дроперлік пен алаяқтықтың алдын алу» «Нашақорлықтың алдын алу - қоғамның басты міндеті»

Кездесу студенттер үшін пайдалы әрі әсерлі өтті. Қатысушылар өз құқықтарын қорғаудың және заңды сақтаудың маңыздылығын терең түсінді.

Ағымдағы жылдың 5 қарашасында Астана халықаралық университетінің Құқық жоғары мектебінде «Заң және тәртіп» қағидасы аясында студенттермен «Жастар арасындағы құқық бұзушылықтың алдын алу жолдары» тақырыбында мазмұнды кездесу өтті.

Іс-шараның басты мақсаты - жастардың құқықтық мәдениетін арттыру, құқық бұзушылықтың алдын алу және заңға деген құрмет сезімін қалыптастыру болды.

Кездесуге құқық қорғау саласының тәжірибелі мамандары шақырылды:

Мұқаналиев Сұлтан Уристанбекұлы - Теміртау қаласы Шығыс полиция бөлімінің жергілікті полиция қызметінің бастығы;

Қабдраш Аман Маликович - ҚР ІІМ Көліктегі полиция департаментінің жеке құрам бойынша аға инспекторы;

Әлімжанова Жансұлу Ғалымбекқызы - ҚАЖД пробация қызметтерін басқару бөлімінің аға инспекторы.

Кездесу барысында студенттер мамандармен ашық сұхбат жүргізіп, құқықтық сауаттылық пен қоғамдағы тәртіптің маңызы туралы құнды ақпарат алды. Мұндай іс-шаралар жастардың заңға құрметпен қарауын қалыптастырып, олардың азаматтық жауапкершілігін арттыруға ықпал етеді.

2025 жылдың 27–31 қазан аралығында «Астана» Халықаралық университетінде (AIU) студенттердің ғылыми қызығушылығын арттыру, практикалық дағдыларын дамыту және жаратылыстану ғылымдарын танымал ету мақсатында дәстүрлі Биология апталығы өтті. Апта аясында зертханалық сабақтар, шеберлік сабақтары, квесттер және интеллектуалдық ойындар қамтылған тақырыптық іс-шаралар жоспары іске асырылды.

Апталықтың ашылуы 27 қазанда ұйымдастырылып, студенттер мен оқытушылардың қатысуымен қайырымдылық жәрмеңкесі өтті. Жиналған қаражат әлеуметтік бастамаларды қолдауға бағытталды.

28 қазанда 1–2 курс студенттері үшін «Зертханадан қашу» квесті өткізілді, онда командалар биологиялық жұмбақтар мен тапсырмаларды орындауда жарысты.

29 қазанда студенттер микроскоппен зертханалық жұмыстар жүргізіп, биологиялық нысандармен және оларды зерттеу әдістерімен танысты.

30 қазанда «Биомиллионер» интеллектуалды сайысы өтті, онда студенттер биология бойынша білімдерін шыңдап, топпен бәсекеге түсті.

Сондай-ақ 30 қазанда AIU Педагогикалық институтында «Оқытуды бағалау. Оқыту үшін бағалау» тақырыбында шеберлік сабағы ұйымдастырылды. Шеберлік сабағын №70 мектеп-гимназиясының педагогы, «Жылдың үздік мұғалімі 2016» және Ы.Алтынсарин медалінің иегері Сағатбекова Серікқайша Қабылғазынқызы жүргізіп, сабақ жоспарларын құрастыру және қалыптастырушы бағалау технологиясы бойынша тәжірибесімен бөлісті.

31 қазанда Биология апталығының жабылуы өтті. Онда апталық қорытындыланып, белсенді қатысушылар марапатталды және шығармашылық нөмірлер ұсынылды.

AIU білім алушылардың пәндік құзыреттіліктерін дамытуға, практикалық бағыттағы оқытуды күшейтуге және болашақ педагогтардың кәсіби даярлығын қолдауға бағытталған білім беру бастамаларын одан әрі дамытуда.

    Бүгін Astana International University президентінің «Отцы в деле» қорының жетекшілерімен кездесуі өтті.

       Кездесу барысында болашақ педагогтарды даярлау үдерісіне тұрмыстық зорлық-зомбылықтың алдын алу, салауатты отбасылық мәдениетті қалыптастыру және қоғамдағы саналы әкелік рөлін арттыру мәселелерін енгізу талқыланды. Кездесу қорытындысы бойынша бірлескен жобаларды, білім беру бағдарламаларын және қоғамдық бастамаларды жүзеге асыруға бағытталған өзара ынтымақтастық туралы меморандумға қол қойылды.

2025 жылғы 4 қараша күні Astana International University Жаратылыстану жоғары мектебі «Жабайы және үй жануарларын чиптеу қажеттілігі: жабайы табиғатқа қауіп пе, әлде нақты қажеттілік пе?» тақырыбында дебаттар ұйымдастырды. Іс-шара университеттің акт залында (213 аудитория) өтті.

 Студенттер жануарлар дүниесін қорғау, биологиялық әртүрлілікті сақтау және экологиялық қауіпсіздік саласында заманауи технологияларды қолдану мәселелерін талқылады.

Дебат барысында қатысушылар өздерінің логикалық ойлау, шешендік және дәлелдеу дағдыларын жоғары деңгейде көрсетті.

 Шақырылған қонақтар:

·       Федулин Александр Евгеньевич  экотуризм саласының маманы, табиғатты қорғау саласында 25 жылдан астам тәжірибесі бар, соның ішінде Қорғалжын мемлекеттік қорығында қызмет атқарған. Қазіргі уақытта шетелдік орнитологтар үшін аймақ бойынша экотурларды ұйымдастырумен айналысады.

·       Каткенов Нурлыбек Дидарович  техникалық ғылымдар магистрі, PhD кандидаты (ветеринария саласында), Nazarbayev University – National Laboratory Astana ғылыми қызметкері.

 Іс-шара белсенді және шабыттандыратын атмосферада өтті. Дебаттар табиғатты және жануарлар дүниесін қорғауға бейжай қарамайтын студенттер мен сарапшыларды біріктірді.

 Ұйымдастырушы:
Адамжанова Жанна Арынтаевна, Astana International University Жаратылыстану жоғары мектебінің қауымдастырылған профессоры.

2025 жылдың 5 қарашасында AIU базасында «Болашақ информатика пәні мұғалімдерінің сыни ойлау қабілетін дамытудағы заманауи тәсілдер» атты межвузовтық ғылыми-әдістемелік семинар өтті. Семинар гибридті форматта - офлайн және ZOOM платформасы арқылы онлайн режимде ұйымдастырылды. Іс-шараға Қазақстанның педагогикалық жоғары оқу орындарының ғалымдары мен оқытушылары, сондай-ақ халықаралық серіктестер, соның ішінде Columbia University (АҚШ) өкілдері қатысты.

Семинардың мақсаты - болашақ информатика мұғалімдерінің сыни ойлау құзыреттілігін қалыптастыру бойынша тәжірибе және әдістемелермен алмасу, педагог кадрларын даярлауда жасанды интеллект технологиялары мен интеллектуалдық симуляторларды қолдану мүмкіндіктерін талқылау.

Пленарлық отырыс AIU Педагогикалық институтының профессоры, педагогика ғылымдарының докторы Баубекова Замира Джураевна модерациялауымен өтті.

Баяндамашылар:
• Ирина Люблинская, Professor of Mathematics and Education, PhD (Columbia University, АҚШ)  «Жасанды интеллект дәуіріндегі сыни ойлау».
• Баубекова Замира Джураевна, п.ғ.д., AIU Педагогикалық институтының профессоры  «Сыни ойлау ХХІ ғасыр құзыреттілігі ретінде: қалыптастыру тәжірибелері мен сын-тегеуріндер».
• Дамекова Сауле Қайролловна, п.ғ.к., AIU Педагогикалық институтының доценті  «Болашақ информатика мұғалімдерін кәсіби-педагогикалық даярлауда сыни ойлау AI-симуляторын интеграциялау».
• Карелхан Нурсауле, PhD, Л.Н. Гумилев атындағы ЕҰУ информатика кафедрасының аға оқытушысы  «Машиналық оқытуда суперкомпьютерлер мен параллель кластерлерді тиімді қолдану әдістері».
• Мухарский Дмитрий Васильевич, Ш.Уәлиханов атындағы КУ аға оқытушысы «Болашақ мұғалімнің сыни ойлау дағдыларын дамытуға арналған AI-симулятор архитектурасы».
• Бадилов Ерлан Багентаевич, AIU «Информатика» ОП 1-курс магистранты  «Интерактивті білім беру симуляторын құруда агенттік технологияларды қолдану».
• Азаматова Асель Тлеуберліқызы, магистр, «Тұран-Астана» университетінің оқытушысы  «Интеллектуалдық симуляциялық ортада бағалаудың формативтік және суммативтік жүйесін жобалау».

Пленарлық бөлім аяқталған соң жалпы пікірталас өтіп, қатысушыларға сертификаттар табысталды. Семинар материалдарының электронды жинағын дайындау және іс-шараның фото-видео шолуын жариялау туралы шешім қабылданды.

AIU болашақ педагогтардың сыни ойлау, цифрлық сауаттылық және заманауи оқыту әдістерін меңгеруіне бағытталған инновациялық білім беру технологияларын дамыту жұмыстарын жалғастыруда.